������ýAPP

Trosolwg o'r swydd

Mae CAMHS canolog yn chwilio am Therapydd Ymddygiad Gwybyddol gyda phroffesiwn craidd, sy'n gymwys i gael achrediad fel Therapydd CBT gan y BABCP (neu gyfwerth) i ymuno â’n tîm ar adeg gyffrous iawn wrth i ni adolygu a gweithio i wella pob agwedd ar ein darpariaeth gwasanaeth, gyda chefnogaeth buddsoddiad sylweddol.

Mae CAMHS Canolog yn cynnig gwasanaeth i blant, pobl ifanc a theuluoedd. Rydym yn darparu arlwy helaeth i’n cymuned leol gan gynnwys gwasanaethau ymyrraeth gynnar ac atal sylweddol, gofal heb ei drefnu, gwasanaeth Blynyddoedd Cynnar 0-7 ac ystod eang o ymyriadau a argymhellir gan NICE ac ymyriadau eraill sy’n seiliedig ar dystiolaeth. Rydym yn dîm amlddisgyblaethol deinamig ac ymroddedig o Seicolegwyr Clinigol, Seiciatryddion, , Therapyddion Teulu, ac ymarferwyr CAMHS gydag amrywiaeth o gefndiroedd proffesiynol craidd a Seicolegwyr Cynorthwyol. Mae cydweithio sylweddol yn digwydd gyda phartneriaid aml-asiantaeth y mae gennym berthynas dda iawn â nhw.

Rydym yn falch o’n hymrwymiad i gefnogi datblygiad proffesiynol parhaus ar gyfer ein tîm. Cynhelir thrafodaethau achos cyfhoedion wythnosol rheolaidd, yn ogystal â chyfarfodydd tîm amlddisgyblaethol.

Prif ddyletswyddau'r swydd

Bydd gan yr ymgeisydd llwyddiannus rôl arwyddocaol wrth gynnal asesiadau a darparu ymyriadau ar sail tystiolaeth i blant, pobl ifanc a theuluoedd. Bydd deiliad y swydd yn aelod allweddol o'n tîm gyda rhan mewn cyfarfodydd amlddisgyblaethol, gan gynnig ymgynghoriad a hyfforddiant. Byddant yn Cydlynu Gofal ac yn darparu goruchwyliaeth i gydweithwyr. Bydd cymryd rhan mewn datblygu a chynnal sgiliau clinigol o fewn y tîm ehangach a datblygu gwasanaethau yn rhan o'r rôl hon. 

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.

Gweithio i'n sefydliad

Os ydych chi'n mwynhau her, os oes gennych angerdd i helpu eraill neu os ydych chi awydd dechrau newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion cywir. Y sefydliad iechyd mwyaf yng Nghymru, sy’n darparu ystod lawn o wasanaethau ysbyty sylfaenol, cymunedol, iechyd meddwl, acíwt a dewisol ar gyfer poblogaeth o tua 700,000, ar draws Gogledd Cymru. Ymunwch â’n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith cymhwysedd ‘Balch o Arwain’.

Mwynhau bod yn rhan o weithio gydag arweinwyr ymgysylltiol ar bob lefel, a bod yn sicr ein bod wedi ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun “Cyflogwr Hyderus gydag Anabledd”.

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn yr holl ohebiaeth yn ymwneud â recriwtio trwy'r cyfrif e-bost sydd wedi'i gofrestru ar y ffurflen gais.

Gellir cyflwyno ceisiadau yn Gymraeg. Ni fydd ceisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.