������ýAPP

Trosolwg o'r swydd

Mae’r swydd hon am Gyfnod penodol/Secondiad am 12 mis cwrdd gofynion y gwasanaeth.

Dyma gyfle cyffrous i unigolyn brwdfrydig, uchelgeisiol ac arloesol ymuno â thîm Cefnogi Clwstwr Ardal y Dwyrain.

Mae Gofal Sylfaenol a Chymunedol yn faes cyffrous i weithio ynddo ar hyn o bryd. Mae’r rhaglen Datblygu Clystyrau Carlam (ACD) yn cynnig cyfleoedd i newid patrwm ein system, i ddod â gwasanaethau’n agosach at y claf, a hynny mewn modd cydgysylltiedig.

Prif ddyletswyddau'r swydd

Fel rhan annatod o’r Gymuned Iechyd Integredig (IHC) Ardal y Dwyrain (Sir Y Fflint a Sir Wrecsam), bydd eich gwaith yn sicrhau bod gofal sylfaenol a gwasanaethau cymunedol ehangach yn cael eu datblygu a’u defnyddio’n effeithiol, gan wasanaethu’r boblogaeth leol drwy ddull system gyfan, fel bod pobl yn derbyn y gofal cywir, gan y  gwasanaeth cywir, ar yr adeg gywir.

Byddwch yn gweithio gydag arweinwyr clystyrau, arweinwyr grwpiau cydweithio proffesiynol ac aelodau’r Gymuned Iechyd Integredig i ddatblygu rôl a swyddogaeth clystyrau a grwpiau cydweithio proffesiynol.

Fel hwylusydd a chyfathrebwr gwych, byddwch yn gyfrifol am ddarparu cymorth i glystyrau a rhwydweithiau eraill, gan sicrhau eu bod yn gallu ymateb i anghenion y boblogaeth trwy gynllunio a darparu gwasanaethau effeithiol a chadarn, wrth arwain datblygiad ac arloesedd chwim.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.