������ýAPP

Trosolwg o'r swydd

Sefydlwyd y Gyfarwyddiaeth Cynllunio a Chyflawni Ariannol (“y Gyfarwyddiaeth”) i ddarparu cymorth proffesiynol er mwyn i Lywodraeth Cymru ymateb a mynd i’r afael â’r heriau ariannol sy’n wynebu GIG Cymru. Mae'r Gyfarwyddiaeth yn gweithredu ledled Cymru ac yn cefnogi holl sefydliadau GIG Cymru yn ôl yr angen. Mae hyn yn cynnwys:

Monitro a rheoli risg ariannol yn GIG Cymru, gan ymateb yn gyflym pan fo sefydliadau'n dangos arwyddion o bryder ariannol.

Cefnogi'r gwaith o ddatblygu a chyflawni cynlluniau ariannol ac adnoddau cadarn yn ystod y flwyddyn a’r tymor canolig

Hybu'r agenda effeithlonrwydd ar gyfer GIG Cymru, gan weithio gyda sefydliadau GIG Cymru i sicrhau'r canlyniadau gorau posibl o gyfleoedd effeithlonrwydd.

Hyrwyddo ac ymgorffori arferion gorau rheolaeth ariannol a’r defnydd o adnoddau.

Datblygu Canolfan Ragoriaeth ar gyfer Gwybodaeth a Deallusrwydd Ariannol, sy'n ymwneud â chostio, meincnodi, dyrannu a defnyddio adnoddau, er mwyn helpu i ysgogi gwelliannau ar effeithlonrwydd technegol a dyrannu ar draws GIG Cymru.

Arwain ymchwil a nodi arferion gorau o ran rheolaeth ariannol a mabwysiadu arferion a thystiolaeth y profwyd eu bod yn gweithio yn gyflym mewn ffordd gyson a chynhwysfawr ledled Cymru. Mae hyn yn cynnwys arferion gorau ar ddulliau, methodoleg a gweithredu.

Cefnogi datblygiad Gofal Iechyd sy’n Seiliedig ar Werth yn GIG Cymru yn ôl y gofyn.

��

Prif ddyletswyddau'r swydd

Mae'r�� Gyfarwyddiaeth yn galluogi’r agenda hon ac yn cyflawni’r amcanion hyn drwy feithrin perthnasoedd effeithiol o fewn ac ar draws GIG Cymru a Llywodraeth Cymru.

Bydd eich cyfrifoldebau yn cynnwys:

Arwain y gwaith o gynhyrchu, dilysu a gwella data costio Cymru, gan gynnwys llywodraethu ymarferwyr costio a meincnodi wrth gyflawni’r agenda hon.

Datblygu'r defnydd o ddata costio sy'n cynnwys cysylltu a modelu â data arall fel rhan o 'ddata mawr', i gefnogi amcanion cynllunio ac effeithlonrwydd ehangach y Gyfarwyddiaeth.�� Bydd hyn yn cynnwys cywirdeb, sicrwydd ansawdd a chynnal a chadw cynhyrchion dadansoddi cysylltiedig.

Datblygu’r canllawiau a’r safonau cenedlaethol cysylltiedig yn strategol ac yn dechnegol, gan fod yn ymwybodol o’r cyfeiriad yn y dyfodol a’u bod wedi’u halinio drwy fewnbwn gan randdeiliaid.

Meithrin a chynnal perthynas arweiniol gyda darparwyr systemau costio a meincnodi, ar ran GIG Cymru.

��

Gweithio i'n sefydliad

Bydd gan y rôl ryddid sylweddol i weithredu. Ac fel rhan o’r uwch dîm bydd yn gweithredu ar lefel strategol gyda rhanddeiliaid ar draws sefydliadau GIG Cymru, arweinwyr polisi Llywodraeth Cymru, rhanddeiliaid cenedlaethol a rhyngwladol, arweinwyr clinigol cenedlaethol, a thimau eraill GIG Cymru gan gynnwys Cyfarwyddiaethau eraill o fewn Gweithrediaeth y GIG. Mae'r Gyfarwyddiaeth Cynllunio a Chyflawni Ariannol yn angerddol am bobl a datblygiad proffesiynol. Mae ganddi raglen ddatblygu uchelgeisiol ar gyfer y tîm cyffredinol a holl aelodau'r tîm. Mae’r rôl hon yn gyfle delfrydol i rywun sy’n awyddus i ddatblygu ei sgiliau a’i brofiadau ar draws agenda genedlaethol eang a chyffrous.

Mae Gweithrediaeth y GIG yn gweithio mewn partneriaeth ar gyfer Llywodraeth Cymru yn a chyda GIG Cymru ac mae’n cael ei lletya gan Iechyd Cyhoeddus Cymru.

Ein prif bwrpas yw ysgogi gwelliannau o ran ansawdd a diogelwch gofal - gan arwain at ganlyniadau, mynediad a phrofiad gwell a thecach i’r claf gyda llai o amrywiad, a gwelliannau o ran iechyd y boblogaeth.

Gwnawn hyn drwy ddarparu arweinyddiaeth a chyfeiriad strategol cryf – gan alluogi, cefnogi a chyfarwyddo GIG Cymru i drawsnewid gwasanaethau clinigol yn unol â blaenoriaethau a safonau cenedlaethol.

I ddarganfod mwy am weithio i ni a'r buddion rydym yn eu cynnig, ewch i��

I gael arweiniad ar y broses ymgeisio, ewch i��