������ýAPP

Trosolwg o'r swydd

Mae Partneriaeth Cydwasanaethau GIG Cymru yn darparu Gwasanaeth Logisteg a Thrafnidiaeth Glinigol ar draws pob Bwrdd Iechyd yng Nghymru drwy ei Wasanaeth Negesydd Iechyd, ac mae'n chwilio am staff Gyrwyr/Ceidwaid Stordy i ymuno â'r gwasanaeth hwn yn ardal Wrecsam, gan wasanaethu ardal Gogledd Cymru (Bwrdd Iechyd Prifysgol Betsi Cadwaladr).

Ar gyfartaledd, mae'r gwasanaeth yn didoli (drwy ei ganolfannau didoli post ei hun), yn darparu ac yn casglu dros 120,000 o eitemau o bost/nodiadau meddygol yr wythnos, ac yn cludo mwy na 5 miliwn symudiad o samplau o Gynhyrchion Gwaed a Phatholeg yn unol â'r Cytundeb Dangereux Routier, Arferion Gweithgynhyrchu Da a gofynion deddfwriaethol y flwyddyn. Mae ein gwasanaethau craidd yn gweithredu rhwng 8am a 6pm o ddydd Llun i ddydd Gwener. Fodd bynnag, rydym yn gweithredu ystod fach o wasanaethau 24 awr y dydd.��

Prif ddyletswyddau'r swydd

Yn Yrrwr/Ceidwad Stordy Gwasanaeth Negesydd Iechyd byddwch yn gyfrifol am eitemau stoc mewn storfeydd a hefyd am gludo, dosbarthu ac ailgyflenwi Patholeg y GIG, Gwaed/Cynhyrchion Gwaed, Deunydd Ysgrifennu Diogel ac Anniogel, Golchdy, Post/Cofnodion ac eitemau Stoc yn ddiogel megis nwyddau traul meddygol (e.e. nodwyddau/chwistrellau/cynwysyddion) sy'n cael eu dosbarthu i safleoedd gofal iechyd sylfaenol; (Ysbytai, practisiau meddygon teulu, fferyllfeydd, optegwyr, deintyddfeydd) ar draws GIG Cymru.��

Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg fel ei gilydd wneud cais.��

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl.��

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.�� I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.��