¹û¶³´«Ã½APP

Trosolwg o'r swydd

Mae Uned Llygaid Tysul yn bwriadu recriwtio Nyrs Arweiniol Asesu Cyn-llawdriniaeth ar gyfer Offthalmoleg. Mae'r swydd wedi'i lleoli yn Ysbyty Cyffredinol Glangwili ond mae'r rol yn gwasanaethu'r tri sir ac felly bydd angen teithio rhywfaint.Ìý

Mae'r rôl yn golygu mai'r Nyrs Arweiniol Asesu Cyn-llawdriniaeth ar gyfer Offthalmoleg a fydd y cyswllt sy'n gwarantu bod y cleifion sy'n cael triniaeth lawfeddygol yn cael y profiad gorau cyn eu llawdriniaeth. Bydd hyn yn cynnwys cyfrifoldeb cyffredinol i optimeiddio'r gwasanaeth cyn-llawdriniaeth a ddarperir gan y gwasanaeth Offthalmoleg, a hynny trwy optimeiddio dulliau cofnodi, cysylltu â gwahanol gyd-weithwyr i sefydlu neu addasu protocolau, optimeiddio'r gwasanaeth a ddarperir trwy gysylltu â chyd-weithwyr nyrsio eraill a swyddogion y rhestr aros, helpu i weithredu canllawiau newydd, darparu hyfforddiant, awgrymu a gweithreduÌý
newidiadau i'r gwasanaeth, cynorthwyo gyda'r gwaith o gaffael cyfarpar, archwilio prosesau, a sicrhau bod y sianeli cyfathrebu angenrheidiol ar waith.Ìý

Bydd y Nyrs Arbenigol Asesu Cyn-llawdriniaeth hefyd yn gweithio'n annibynnol ac mewn modd celfydd wrth asesu cleifion cyn llawdriniaethau offthalmig, gan sicrhau bod proses gynhwysfawr, effeithiol ac effeithlon yn cael ei gweithredu ar gyfer pob claf.Ìý

Prif ddyletswyddau'r swydd

Yn annibynnol gyfrifol am adolygu gofal y claf, gan ddefnyddio offer sgrinio priodol i sicrhau bod yr holl gynlluniau gofal rheoli cyn-llawdriniaeth yn cael eu cwblhau mewn modd priodol, a bod y claf yn ffit ar gyfer y llawdriniaeth sydd i ddod ac ar y llwybr derbyn priodol.

Nodi cleifion yr ystyrir eu bod yn wynebu risg uchel o gymhlethdodau'n ymwneud â'r llawdriniaeth/anesthetig, a chydlynu'r gofal fel y bo'n briodol.

Rheoli llwyth achosion o gleifion, gan gydlynu'r gofal a'r gwasanaethau er mwyn gwella taith lawdriniaethol y claf.Ìý

Rheoli llwyth achosion o gleifion yn annibynnol. Gall hyn gynnwys cleifion sydd ag anghenion gofal cymhleth neu â chymhlethdodau cysylltiedig â'r anesthetig, yn ogystal â materion cymdeithasol cymhleth yn yr uned asesu cyn cychwyn.Ìý

Yn annibynnol, cofnodi hanes meddygol cynhwysfawr a chynnal archwiliad corfforol systematig, os yw hynny'n briodol, er mwyn sefydlu data dechreuol a nodi problemau iechyd a chymdeithasol yr unigolyn.

Gwella'r dull o reoli cleifion trwy optimeiddio iechyd trwy sgrinio a chynnal asesiad llawn, gan sicrhau bod yr archwiliadau priodol yn cael eu cynnal, a bod yr anghenion o ran triniaeth a gofal yn cael eu nodi, yn unol ag arfer seiliedig ar dystiolaeth, a chan leihau'r risg i'r claf.Ìý

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saeneg wneud cais.Ìý

Cyfweliadau i'w cynnal ar 23/01/2025.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).Ìý
Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.