¹û¶³´«Ã½APP

Trosolwg o'r swydd

Mae swydd hon yn Cyfnod Penodol/Ìý Secondiad tanÌý 30/07/2027.Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

A ydych newydd gymhwyso neu'n chwilio am gyfle i newid gyrfa? A ydych am deimlo eich bod wedi eich grymuso i fod yn rhan o’r newidiadau yn y proffesiwn fferylliaeth? A yw'r syniad o ddatblygu a dysgu mewn amrywiaeth o arbenigeddau clinigol yn apelio atoch?R

Mae gennym un swydd Fferyllydd Band 6 llawn amser yn Ysbyty Cyffredinol Glangwili ac un swydd Fferyllydd Band 6 llawn amser wedi'i rhannu rhwng Ysbyty Cyffredinol Glangwili a Gofal Sylfaenol Ceredigion.

Bydd yr ymgeiswyr llwyddiannus yn cael eu cefnogi gan fentoriaid fferyllol mewn amgylchedd gwaith anogol i ddatblygu eu portffolio gyrfa ac ymgymryd â’r cymhwyster presgripsiynu. Ar hyn o bryd mae presgripsiynwyr yn gweithio ym meysydd Rhewmatoleg,Gwasanaethau Canser,Dermatoleg,Gastroenteroleg,Methiant y Galon,Eiddilwch. Byddwch yn rhan o’r gwaith arfaethedig i drawsnewid systemau rheoli meddyginiaethau yn ddigidol, a chewch eich annog yn frwd i ymgysylltu â’r prosesau hyn i sicrhau ei lwyddiant.

Ìý

Prif ddyletswyddau'r swydd

Bydd un swydd yn cael ei lleoli yn Ysbyty Cyffredinol Glangwili a bydd y swydd arall yn cael ei rhannu rhwng Ysbyty Cyffredinol Glangwili a Gofal Sylfaenol Ceredigion. Nodwch yn llinell gyntaf y wybodaeth ategol am eich cais y mae gennych ddiddordeb ynddi.

Anogir ymgeiswyr i gysylltu â'ch safle dewisol a threfnu trafodaeth anffurfiol ac ymweliad cyn y cyfweliadau.

• Bydd deiliad y swydd yn darparu gwasanaeth fferylliaeth glinigol a rheoli meddyginiaethau diogel ac effeithiol i un neu fwy o feysydd clinigol, ac yn cynghori staff meddygol a’r tîm amlddisgyblaethol ehangach ar faterion fferylliaeth.
• Gall cylchdroadau gynnwys (yn dibynnu ar y safle lle'r ydych wedi eich lleoli) meddygaeth, derbyniadau, llawfeddygaeth, trawma ac orthopedeg, eiddilwch, gofal critigol, pediatreg, a gofal lliniarol, efallai y bydd cyfle i ddeiliad y swydd mewn gofal sylfaenol gylchdroi o fewn gwasanaethau gofal eilaidd.
• Rhaid i ddeiliad y swydd gydymffurfio â deddfwriaeth gyfredol a pholisïau Bwrdd Iechyd y Brifysgol. Bydd yr argymhellion yn y Cod Moeseg a gyhoeddwyd gan y Cyngor Fferyllol Cyffredinol a'r rhwymedigaethau yn y Safonau Arfer Proffesiynol Da yn cael eu cynnal bob amser.
• Rhaid i ddeiliad y swydd ymgymryd ag unrhyw hyfforddiant ôl-gofrestru a nodir gan y gwasanaeth ac yn unol ag anghenion unigol.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).Ìý
Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.