¹û¶³´«Ã½APP

Trosolwg o'r swydd

Mae cyfle cyffrous wedi dod ar gael yn Ysbyty'r Tywysog Philip ar gyfer Fferyllydd Clinigol Arbenigol cylchdro sydd â'r brwdfrydedd a'r gallu i ddod yn rhan o'r Tîm Fferylliaeth dynamig. Byddwch yn gweithio mewn amgylchedd cefnogol sy'n cynnig cyfleoedd hyfforddi i adeiladu ar eich sgiliau sylfaen a datblygu eich arbenigedd.

Mae Ysbyty'r Tywysog Philip yn Ysbyty Cyffredinol Dosbarth sydd â thua 250 o welyau, wedi'i leoli yn nhref Llanelli ychydig oddi ar yr M4 o fewn cyrraedd hawdd i Abertawe, Gŵyr a Gorllewin Cymru.

Mae'n darparu amrywiaeth o arbenigeddau meddygol, gan gynnwys uned gofal coronaidd, uned gofal dwys, uned strôc acíwt, gofal lliniarol, orthopedeg, llawfeddygaeth gyffredinol, yn ogystal ag uned derbyniadau a meddygol brysur, uned mân anafiadau a gofal brys ar yr un diwrnod. Mae datblygiad proffesiynol o'r pwys mwyaf, a darperir cymorth aÌýhyfforddiant. Rydym yn dîm blaengar sy’n canolbwyntio ar y claf ac sy’n gweithio’n agos gyda’r timau amlddisgyblaethol i wella diogelwch cleifion trwy roi cyngor proffesiynol i bresgripsiynwyr, cynllunio ar gyfer rhyddhau cleifion, a mynychu rowndiau wardiau y meddygon ymgynghorol.

Mae'r tîm fferyllol arloesol a chyfeillgar wedi hen sefydlu yn y Bwrdd Iechyd. Rydym yn uchelgeisiol a llawn cymhelliant, yn sicrhau bod ein gwaith yn canolbwyntio ar les gorau ein cleifion, ac yn ymdrechu'n barhaus i wella'r gwasanaethau yr ydym yn eu cynnig.

Prif ddyletswyddau'r swydd

Mae'r swydd yn gofyn am fferyllydd uchel ei gymhelliant sy'n meddu ar sgiliau cyfathrebu, rhyngbersonol a rheoli amser rhagorol. Byddwch yn ymgymryd ag amrywiaeth o gylchdroadau rhwng wardiau, a byddwch hefyd yn ymgymryd â dyletswyddau yn y ddosbarthfa, yn cynnwys cynnal gwiriadau clinigol o bresgripsiynau gofal yn y cartref/unedau arllwysiadau, yn ogystal â phresgripsiynau cleifion allanol.Ìý

Bydd y swyddi hyn yn eich galluogi i ddyfnhau eich gwybodaeth a'ch arbenigedd ac i ehangu sgiliau trosglwyddadwy o dan gyfarwyddyd cyd-weithwyr profiadol. Byddwch yn adeiladu ar brofiad blaenorol, gan ddatblygu mwy o ymreolaeth a chyfrifoldeb, a byddwch hefyd yn magu profiad mewn nifer o feysydd arbenigol. Bydd deiliad y swydd yn cael eiÌý
gefnogi i ymgymryd â'r cymhwyster presgripsiynu anfeddygol os nad yw eisoes yn meddu ar y cymhwyster hwnnw, neu'n cael ei gefnogi i ddefnyddio ei gymhwyster i ddatblygu ei arbenigedd ymhellach.Ìý

Bydd disgwyl i chi gefnogi'r fferyllwyr iau yn y tîm, ynghyd â'r fferyllwyr dan hyfforddiant, a'r myfyrwyr israddedig sy'n dilyn y cwrs MPharm.

Bydd deiliaid y swyddi'n cyfrannu at y broses o gynllunio a chyflawni'r strategaeth optimeiddio meddyginiaethau.

Anogwn ddarpar ymgeiswyr i gysylltu â ni i drafod y swydd hon ymhellach.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun.

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.

Ìý