������ýAPP

Trosolwg o'r swydd

Bydd deiliad y swydd yn ymuno â thîm o ymgynghorwyr, cofrestrydd arbenigol, meddygon arbenigol ac uwch ymarferwyr nyrsio, a bydd yn cyfrannu at ofal rhoddwyr. Rydym yn darparu gwasanaeth hanfodol i GIG Cymru o ran sicrhau bod ganddo fynediad at waed i gefnogi trin cleifion, i gefnogi’r rhaglenni trawsblannu ac yng ngwaith Cofrestr Rhoddwyr Mêr Esgyrn Cymru. Mae’r ystod o wasanaethau rydym yn eu darparu yn eang, yn amlochrog ac yn hynod arbenigol, wedi’u cefnogi gan ymrwymiad clir i barhau i wella, i ddarparu gwasanaethau rhagorol ac i hybu iechyd a lles i bobl Cymru a thu hwnt.

Bydd deiliad y swydd yn cymryd rhan mewn rota ymgynghorydd ar alwad 24 awr (pro-rata, tua 1 mewn 5 am gyfnod llawn amser).�� ��

Mae swyddi meddygol o fewn Gwasanaeth Gwaed Cymru yn atebol i'r Cyfarwyddwr Meddygol.��

Mae hwn yn gontract locwm cyfnod penodol o 6 mis oherwydd anghenion y gwasanaeth.

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Prif ddyletswyddau'r swydd

Gweithio fel Meddyg Ymgynghorol Meddygaeth Rhoddwyr mewn partneriaeth agos â chydweithwyr sy’n uwch nyrsys a rheolwyr gweithredol i sicrhau bod safonau clinigol yn cael eu bodloni, a datblygu polisïau a gweithdrefnau cenedlaethol gwell ar gyfer casglu gwaed. Bod yn eiriolwr dros roddwyr bob amser drwy sicrhau bod eu lles pennaf yn cael eu hystyried wrth i bolisïau newydd ddatblygu.

Gwneud cyfraniad gweithredol at ddiogelwch rhoddwyr, cleifion a’r broses barhaus o ddiweddaru a gwella dulliau a meini prawf dethol rhoddwyr. Mae hyn yn cynnwys ymchwil, adolygiad systematig a chynhyrchu canllawiau ar gyfer rheoleiddio ymarfer. Cefnogir yr holl weithgareddau hyn o fewn strwythur Gwasanaeth Gwaed Cymru a chan beirianwaith JPAC ledled y DU.

Cynrychioli’r Tîm Clinigol Rhoddion Gwaed ar bwyllgorau cenedlaethol, timau gweithredol a rheoli prosiectau, a gweithgorau ad hoc, yn unol â gofynion y Cyfarwyddwr Meddygol.

Arwain staff y Nyrsys Clinigol Arbenigol i ddarparu asesiad o’r rhoddwyr.��

Cadw cofnodion priodol sy'n berthnasol i ofal clinigol a phroses ddethol rhoddwyr.��

Ymchwilio ac ymateb i gwynion gan roddwyr a digwyddiadau mewn perthynas ag ansawdd; adrodd am ddigwyddiadau niweidiol yn achos rhoddwyr a sicrhau bod proses ddilynol briodol ar gael ar gyfer pob rhoddwr

Cymryd rhan weithredol mewn Llywodraethu Clinigol a trawsgyflenwi y naill i’r llall â chydweithwyr sy'n gofalu am roddwyr a chleifion Gwasanaeth Gwaed Cymru.

��

Gweithio i'n sefydliad

Yma yn Ymddiriedolaeth GIG Prifysgol Felindre, rydym yn hynod falch o'r gwasanaethau arbenigol a ddarparwn ledled Cymru yn ein Canolfan Ganser Felindre arloesol ac ein Gwasanaeth Gwaed Cymru gwobrwyedig. Yn ogystal ag arbenigedd ein swyddogaethau corfforaethol sy'n dod â'r ddwy adran at ei gilydd. Rydym hefyd yn ffodus i gynnal Partneriaeth Cydwasanaethau GIG Cymru a Thechnoleg Iechyd Cymru ac rydym wedi datblygu gwaith partneriaeth cryf gyda'r gwasanaethau arbenigol hyn.

Wedi'i sefydlu ym 1999, mae gan yr Ymddiriedolaeth weithlu ymroddedig sy'n ymdrechu'n barhaus i ddarparu egwyddorion allweddol gofal iechyd sy'n seiliedig ar Werth�� drwy amrywiaeth eang o rolau. Rydym yn chwarae rhan hanfodol yn y cymunedau rydym yn eu cefnogi ac mae gennym gynlluniau uchelgeisiol ar gyfer y dyfodol i barhau i wella'r gwasanaethau a ddarparwn. Rydym yn ymdrechu i gynnal ein gwerthoedd craidd ym mhopeth a wnawn drwy fod yn; atebol, beiddgar, gofalgar a deinamig, a sicrhau'r gofal gorau posibl i'n cleifion a'n rhoddwyr.

Os ydych am weithio i sefydliad sy'n ymfalchïo mewn gwneud gwahaniaeth go iawn ac sy'n cynnig cyfleoedd gyrfa cyffrous, yna Ymddiriedolaeth GIG Prifysgol Felindre yw'r lle i chi.

Ewch i'n gwefan i gael rhagor o wybodaeth: https://velindre.nhs.wales/