������ýAPP

Trosolwg o'r swydd

Prif Seicolegydd Clinigol (Band 8b) -�� Gwasanaeth Seicoleg Glinigol Oedolion Hŷn (37.5 awr). Lleolir y swydd yn Ardal y Dwyrain BIPBC - (Wrecsam).

Mae hwn yn gyfle cyffrous iawn i helpu i wneud gwahaniaeth gwirioneddol i Wasanaethau Asesu’r Cof a gwasanaethau iechyd meddwl cymunedol Pobl Hŷn yng Ngogledd Cymru: ymgymryd â rôl arweinydd ym maes datblygu therapi seicolegol ac asesiadau niwroseicolegol, hyfforddi, goruchwylio a chynorthwyo staff amlddisgyblaethol a chyfrannu at strategaeth.

Mae adran Seicoleg Oedolion Hŷn BIPBC yn dîm cyfeillgar a chefnogol sydd â chydweithwyr ledled Gogledd Cymru. Cynigir goruchwyliaeth ragorol a chymorth rhagorol gan gymheiriaid, a chaiff yr ymgeisydd llwyddiannus gefnogaeth a chymorth mentor rhagorol, a chyfleoedd i hyfforddi a datblygu ei yrfa. Byddwch yn cael arweinyddiaeth a chymorth clinigol rhagorol, a cheir cysylltiadau clinigol ac ymchwil gwych â'r Ysgol Seicoleg a Rhaglen Seicoleg Glinigol Gogledd Cymru ym Mhrifysgol Bangor.���� Bydd deilydd y swydd hefyd yn elwa ar gysylltiadau proffesiynol ledled BIPBC a Gogledd Cymru drwyddi ym maes Seicoleg Glinigol, a bydd cyfle i gynnal ymchwil a rhwydweithio'n glinigol yng Ngogledd Cymru a ledled Cymru gyfan.�� Mae cefn gwlad Gogledd Cymru yn cynnig�� ansawdd bywyd ardderchog, a byddwch yn ymuno â BIPBC ar adeg gyffrous o drawsnewid a thwf.��

��

Mae’r gallu i siarad Cymraeg yn ddelfrydol ar gyfer y swydd hon;�� mae croeso i ymgeiswyr sy’n siarad Cymraeg a/neu Saesneg geisio am y swydd hon

Prif ddyletswyddau'r swydd

Mae hon yn swydd barhaol 8b, a bydd disgwyl i ddeilydd y swydd gynnig cyfraniadau a chymorth clinigol arbenigol i dîm amlddisgyblaethol Gwasanaeth Asesu'r Cof (MAS) a'r Tîm Iechyd Meddwl Pobl Hŷn yn y Gymuned (OPMH CHMT). Bydd y rôl yn cynnwys gwaith clinigol uniongyrchol gan ymgymryd ag asesiadau a fformwleiddiadau niwroseicolegol arbenigol, cymorth ac ymyriadau cyn cynnal diagnosis ac wedi hynny, a darparu therapïau seicolegol wedi'u teilwra i boblogaeth glinigol o Oedolion Hŷn. Bydd y swydd yn cynnwys gweithio’n anuniongyrchol trwy eraill trwy waith hyfforddi, goruchwylio a llunio. Disgwylir i ddeilydd y swydd integreiddio'n dda a sefydlu perthnasoedd gwaith da â chydweithwyr yn y tîm amlddisgyblaethol, gan ddarparu gwybodaeth arbenigol, arbenigeddau ac ymgynghori ym maes seicoleg i'r tîm. Bydd hefyd angen i ddeilydd y swydd fynychu cyfarfodydd clinigol y Tîm Amlddisgyblaethol, cyfarfodydd cyfeirio, a chyfarfodydd busnes, ac ymgymryd ag arweinyddiaeth strategol a chlinigol yn y Gwasanaeth Seicoleg Glinigol Oedolion Hŷn. Mae brwdfrydedd ac ymroddiad yn hanfodol.

Rydym yn dymuno penodi Seicolegydd Clinigol profiadol, cydnerth a chryf iawn ei gymhelliant i ymgymryd â'r cyfle cyffrous hwn i ddod yn rhan o ddatblygiadau'r gwasanaeth yng Ngogledd Cymru. Bydd y datblygiadau hynny yn cynorthwyo i weithredu blaengareddau gwella yn lleol ac yn llywio'r gwaith hwnnw, ac yn cynorthwyo â datblygiadau lleol ym maes sicrhau ansawdd clinigol yn y dyfodol.����

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

��

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.