������ýAPP

Swydd-ddisgrifiad a phrif gyfrifoldebau manwl

Bydd deiliad y swydd yn sicrhau bod gweledigaeth glir ar gyfer newid a bod trefniadau llywodraethu cadarn ar waith, yn ogystal â datblygu a meithrin cydberthnasau cadarn a chadarnhaol â phartneriaid er mwyn sicrhau ymgysylltiad a dull cydgynhyrchiol er mwyn darparu'r rhaglen. Bydd hyn yn cynnwys rhyngweithiadau ar lefel y system a lleoliadau er mwyn sicrhau y caiff nodau ac amcanion eu cynrychioli'n briodol.

Bydd deiliad y swydd yn gyfrifol am gyfarwyddo, goruchwylio a gwerthuso dyluniad a’r darpariaeth rhaglenni gwaith strategol allweddol ar draws y system eang mewn perthynas â darparu gwasanaethau Gofal Sylfaenol, arwain a chefnogi gyda chyfrifoldeb penodol ynghylch ymgysylltu a chyflawni'r llwybrau a'r gofal sy'n seiliedig ar werth. Bydd y rhaglenni hyn yn rhaglenni trawsnewid arloesol ac amlochrog, yn sicrhau gwelliannau parhaus yn narpariaeth ein gwasanaethau gofal sylfaenol, a byddant yn cefnogi'r gwaith o gyflawni strategaeth Bwrdd Iechyd Prifysgol Betsi Cadwaladr a'i huchelgeisiau ehangach.

Bydd yn ofynnol i ddeiliad y swydd ddehongli polisïau Llywodraeth Cymru mewn amrywiaeth o feysydd, gan gynnwys iechyd, gofal cymdeithasol, a digidol, ystadau, amgylcheddol, economaidd a chymdeithasol, i ddatblygu ymatebion lleol ar y cyd â'n partneriaid. Wrth wneud hynny, bydd angen i ddeiliad y swydd ddefnyddio tystiolaeth a dulliau profedig (sydd ar gael iddo yn sgil gwaith ymchwil a datblygu sylweddol) sy'n dangos gwelliannau o ran diogelwch ac ansawdd. Er mwyn gwneud hyn, bydd angen i ddeiliad y swydd wneud synnwyr o dystiolaeth a data sy'n aml yn anghyson, a dod i gytundeb ynghylch y dystiolaeth a'r data hynny, er mwyn datblygu strategaethau sy'n diwallu anghenion lleol ac yn meithrin hyder y cyhoedd mewn gwasanaethau.

Bydd yn ofynnol i ddeiliad y swydd ymgymryd â gwaith ymchwil yn rheolaidd a datblygu, llunio a chynnal arolygon. ��Bydd gwaith ymchwil a datblygu pellach yn cynnwys adolygu data'r GIG a data Gofal Cymdeithasol fel gwybodaeth am fusnes a'r boblogaeth yng Ngogledd Cymru a thu hwnt i ddatblygu a rhoi strategaethau ar waith ar gyfer anghenion y gwasanaeth a'r boblogaeth yn benodol mewn perthynas â gwasanaethau sylfaenol a chymunedol.

Bydd yn ofynnol i ddeiliad y swydd sicrhau trefniadau effeithiol a chynhwysol ar gyfer ymgysylltu â staff, defnyddwyr gwasanaethau, cynrychiolwyr cleifion, gofalwyr, arweinwyr cymunedol a gwleidyddol ynghyd â sefydliadau partner gan gynnwys Llywodraeth Cymru, awdurdodau lleol, y sector gwirfoddol, y sector annibynnol a sefydliadau eraill y GIG lle y bo'n briodol. ��Cynnal sesiynau briffio, gwneud cyflwyniadau a chyfathrebu'n ffurfiol yn ysgrifenedig a chynrychioli'r Bwrdd Iechyd mewn amrywiaeth o gyfarfodydd cyhoeddus a phreifat. Rheoli heriau'n effeithiol, mynd i'r afael ag ymatebion anffafriol a, thrwy sgiliau negodi a chyfathrebu datblygedig iawn, datblygu consensws a chefnogaeth ar gyfer modelau gofal newydd.

Bydd deiliad y swydd yn arwain rhaglenni gwaith er mwyn sicrhau y caiff canlyniadau y cytunwyd arnynt sy'n helpu'r Bwrdd Iechyd i gyflawni ei amcanion strategol yn benodol mewn perthynas â gwasanaethau sylfaenol a chymunedol a'i dargedau yn ystod y flwyddyn eu cyflawni'n llwyddiannus, ac i wella gwasanaethau. Bydd hyn yn cynnwys atebolrwydd ar gyfer perfformiad ac ymatebion sy'n cwmpasu ��sawl adran yn y Bwrdd Iechyd ynghyd â sefydliadau partner.

Bydd deiliad y swydd yn gyfrifol am ddatblygu a rheoli swyddogaeth rheoli'r rhaglen. Bydd hyn yn cynnwys atebolrwydd ar gyfer rheolaeth, goruchwyliaeth a datblygiad proffesiynol staff a chyllidebau a pherfformiad yr adran.

Bydd gan ddeiliad y swydd gryn ryddid yn y swydd hon a bydd disgwyl iddo addasu i newidiadau sylweddol a sydyn yn ei lwyth gwaith.

Bydd deiliad y swydd yn rhan o uwch-dîm rheoli'r Bwrdd Iechyd a bydd disgwyl iddo gefnogi'r Cyfarwyddwr Gweithredol Arweiniol, gan ddirprwyo yn ôl yr angen. Bydd hyn yn cynnwys cynrychioli'r Cyfarwyddwr Gweithredol Arweiniol ar amrywiaeth o bwyllgorau, gweithgorau a thimau lleol, rhanbarthol a chenedlaethol. Bydd deiliad y swydd yn cynrychioli'r Cyfarwyddwr Gweithredol Arweiniol a'r Bwrdd Iechyd yng nghyfarfodydd cyrff allanol a phwyllgorau amlasiantaethol.

Byddwch yn gallu dod o hyd i Swydd ddisgrifiad a Manyleb y Person llawn ynghlwm yn y dogfennau ategol neu cliciwch “Gwneud cais nawr” i’w gweld yn Trac.